鄭秀文, Sammi, 是一個陪住我成長的香港女歌手, 回想起, Sammi & 周慧敏(大V)係我個人好鍾意的女歌手, 我係聽住佢同周慧敏D 歌讀中學, 佢地陪住我會考到A Level, 後來大V退出, 一路聽住佢mi d 歌讀大學, 陪住我開始談戀愛(記得係"我們的主題曲"), 亦陪住我失戀, 可算係陪我成長的一段路, 佢地出既大碟, 我都有買齊。
至於mi's concert, 今次己經係佢第 7 次係紅館開個人演唱會, 由99 年i concert 起, Sammi 2001, 2004, 2007同埋今次09 concert 我都有睇。
今次 Love Mi 鄭秀文世界巡迴演唱會(香港站) 共有 10 場, 由12月24日至29日, 加12月31日至跨年1月3 日 ，我最終睇左 24, 26, & 除夕 31 號 total 3 場。(最開心係26 號可以坐到頭行!)
Opening: Chotto等等 / 叮叮噹 / 默契
Part II 中國風: 不來的季節 / 值得 / 娃娃看天下 / 長恨歌
Part III 70s Disco Medley: I Will Survive /Can't Take My Eyes Off You /Designer Music /Conga
Part IV 宗教篇: (Interlude - 愛是...)/罪與罰 (duet with 24味) /上帝早已預備/ 信者得愛 (with duet MC仁)
Part V: 回來我身邊/ 恰似你的溫柔 / 不要驚動愛情
Part VI 快歌 medley: 獨家試唱 / 星「秀」傳說/ 煞科 / 叮噹
Part VII 經典慢歌 medley: 上一次流淚 + 終身美麗 + 不拖不欠 + 落錯車 + 終身美麗
Part VIII: Santa Claus Is Coming to Town / Last Christmas (duet with 陳奐仁)
Encore 唯獨你是不可取替
另外, 要彈既係個rundown 同佢揀歌方面, 呢到我扣左分, 中國風 & 英文dance medley 果兩部分係最有驚喜, 原來 mi handled 英文歌係幾好. 但後半部分的揀歌好令人失望, 我希望佢可以放多少少先前演唱會冇唱過既歌, mi 出左咁多碟, 好聽既作品其實好多, 唔駛下下都要揀"親密關係", "感情線上", "終身美麗", "唯獨你是不可取替" (<--尤其係"唯獨", 對唔住, 聽得太多啦, 次次例行必唱咁, 有d 悶,可況又唔係自己歌, 要聽, 我寧願聽佢首快版"衝動點唱"好過! 睇黎佢真係超鍾意呢首歌, 或者係代表佢同安仔既一段情啦!)
我其實好想 mi 好似 SL 咁, 開concert 時會揀一些 side tracks 去唱, mi 的side tracks 好多都好聽過主打歌. 快歌方面, 我想聽"熱漲冷縮", "Feel So Good", "懶理", "旋風", "兒童不宜", "七日鮮", "偷聽器", 唔駛次次要揀"星秀傳說","獨家試唱","叮噹"。仲有, "Feel So Good", "生活語言" & "聽聞" 呢幾張albums 有幾慢首歌幾特別 (忘記巴黎/安全感/隔著玻璃 呢3 首係我最想聽), 冇咁commercial, 每次開concert 我都想佢揀。
12/26晚嘉賓係許志安, 大家情緒好高漲, 合唱一曲"其實你心裡有沒有我", 安仔之後講左"樂壇色聲藝俱全的歌手只有兩個, 又唱得, 又跳得, 又演得, 一個係梅艷芳, 一個係鄭秀文"..聽完好感動, 有睇過今次演唱會, 相信大家會認同呢番說話。
聽完佢今次演唱會, 相信classify Sammi 係實力派, 繼 AM, SL, SK, FW, CP 被公認為hk pop divas 之後, 稱 SC 為 diva 亦冇人會反對。
給 Mi 的話
自從mi 04出完《Sammi vs Sammi》到今次隻大碟《信 Faith》, 足足等左5 年, 不論你由以前的「鄭臭四」, 到現在的「鄭四萬」, 抑鬱症康復後, 找到真正自我, 更清楚自己的音樂去向, 從你的訪問, 音樂, 演出, 令我們看到及欣賞重新的 MI。加油呀 MI!
